Si ngelet shtatzënë një grua?

Si ngelet shtatzënë një grua?

Një qelizë vezë maturohet në trupin e një gruaje rreth një herë në muaj. Qeliza vezë e pjekur lirohet nga vezorja e saj dhe hyn në një nga dy tubat fallopiane. Ky quhet ovulacion.

Për shembull, nësë një grua dhe një burrë kryejnë marrëdhënie seksuale, qelizat e spermës mashkullore (spermatozoidët) hjynë në trupin e gruas. Ato kalojnë përmes vaginës (vagina) në mitër dhe prej aty kalojnë më tej në dy tubat fallopiane.

Kur qeliza vezë dhe qeliza e spermës takohen në tubin fallopian, ato shkrihen. Ky quhet fekondim. Pas kësaj, qeliza vezë e fekonduar ecen më tej drejt mitrës. Atje ajo implantohet në mitër. Nga ky moment gruaja është shtatzënë.

Kur mund të mbetem shtatzënë?

Në ditët rreth ovulacionit, veza mund të fekondohet dhe të krijohet shtatzënia. Qelizat e spermës (spermatozoidët) mund të mbijetojnë në mitër ose në tubin fallopian për rreth pesë ditë. Kjo është arsyeja pse një grua mund të mbetet shtatzënë nëse ka bërë seks disa ditë para ovulacionit ose një ditë pas.

Kur ndodh ovulacioni?

Cikli i një gruaje mund të zgjasë deri në 35 ditë. Kjo mund të ndryshojë pak nga muaji në muaj. Për shumë gra, ovulacioni ndodh rreth ditës së 14-të të ciklit. Por, kjo mund të ndryshojë pak nga një grua në tjetrën dhe nga muaji në muaj.

Prandaj ovulacioni nuk mund të parashikohet me saktësi. Është më e lehtë të dallohet nëse ovulacioni ka kaluar.