Prezervativi për mashkullin
Prezervativi për mashkullin është një kontraceptiv pa efekte anësore. Nepermjet prezervativëve, meshkujt mund të parandalojnë që partnerja e tyre të mbetet shtatzënë gjatë marrëdhënieve seksuale. Përveç kësaj, prezervativët mbrojnë partneren dhe partnerin e marrëdhënieve seksuale, nga infeksionet seksualisht të transmetueshme (IST), si për shembull nga HIV.
Prezervativët përbëhen nga një mbulesë shumë e hollë, por rezistente ndaj çarjes, e cila rrokulliset mbi penisin e ngurtë përpara kryerjes së marrëdhënies seksuale. Në këtë mënyrë sperma mblidhet dhe nuk mund të hyjë në vaginë (vagina).
Për të mund të përdorur prezervativin si një mjet të besueshëm kontracepsioni, iu duhet pak praktikë. Është më mirë të provoni më parë marka dhe madhësi të ndryshme. Nëse prezervativi hyn siç duhet, ka më pak rrezik që ai të çahet ose të rrëshqasë.
Çdo prezervativ mund të përdoret vetëm një herë.
Mos përdorni disa prezervativë në të njëjtën kohë. Prezervativët mund të çahen.
Kështu përdoren prezervativët
Prezervativi duhet të rrokulliset mbi penisin përpara kontaktit të parë me vaginën ose me anusin, sepse sperma dhe patogjenët mund të rrjedhin edhe para orgazmës.
Përdorni tek një prezervativ vetëm produkte lubrifikuese që janë të tretshme në ujë. Mos përdorni kremra me përmbajtje vaji, vazelinë ose vajra masazhi.
Nëse prezervativi çahet ose rrëshqet
Nëse prezervativi çahet ose rrëshqet gjatë seksit, ekziston rreziku i shtatzënisë. Pas kësaj flisni me një mjeke, me një mjek në të njëjtën ditë ose të nesërmen, ose pyesni në farmaci për një kontracepsion emegjence.
Kostot
Prezervativët mund t´i blini në markete për produkte kozmetike, supermarkete, farmaci dhe në internet. Në varësi të madhësisë së paketimit, prezervativët latex kushtojnë nga 20 cent deri në 1,20 euro për copë. Prezervativët pa lateks kushtojnë nga 1 euro e lartë për copë.
