Planifikimi familjar
Kontracepsioni parandalon që gratë të mbeten shtatzënë.
Ju dhe partneri juaj mund të vendosni nëse, kur dhe sa fëmijë dëshironi të bëni. Ky quhet planifikim familjar. Kur doni të kryeni marrëdhënie seksuale, por nuk planifikoni të keni një fëmijë (ende), ju mund të shmangni shtatzëninë me kontracepsion.
Kontracepsioni nuk e bën një grua më pak pjellore. Nëse ajo ndalon përdorimin e kontracepsionit, ajo mund të ketë fëmijë.
Mbrojtja nga HIV dhe IST-të
Prezervativi është një mjet i kontracepsionit që gjithashtu ju mbron nga HIV dhe zvogëlon rrezikun e marrjes së një IST.
Metoda të ndryshme të kontracepsionit
Ka metoda kontracepsioni të ndryshme. Ju mund të zgjidhni cila metodë është më e mira për ju dhe partnerin tuaj.
Metodat ndryshojnë shumë, për shembull në:
- çmimin e tyre;
- disponueshmërinë e tyre;
- mënyrën sesi përdoren.
kontracepsioni nuk është i keq për shëndetin. Disa metoda të kontracepsionit i përshtaten jetesës së një personi të veçantë, moshës dhe gjendjes fizike më mirë se të tjerat.
Kontracepsioni funksionon mirë nëse ju e përdorni siç duhet. Për këtë arsye, është e rëndësishme të zgjidhni një metodë që ju përshtatet juve. Nëse një metodë nuk funksionon për ju, mund të provoni në tjetër.
Pyetni një profesionist shëndeti> për këshilla. Një profesionist shëndeti nuk mund t'i japë ndonjë informacion për ju dikujt tjetër. Ai/ajo është i detyruar me ligj të respektojë privatësinë tuaj. ju gjithashtu mund të diskutoni kontracepsionin me partnerin tuaj.
